အမေရိကန် သမ္မတ Barack Obama အကြောင်းတစေ့တစောင်း

မွေးနေ့ = သြဂုတ်လ ၄ ရက်၊ ၁၉၆၁ ခုနှစ်

ဇာတိ = ဟိုနိုလူလူ၊ ဟာဝိုင်ရီ

မွေးအမည် = ဘားရက် ဟူစိန် အိုဘားမား

လူမျိုး = အာဖရိကန် - အမေရိကန်

ပါတီ =  ဒီမိုကရက်

ဇနီး =  မစ်ချယ်လီ အိုဘားမား (၁၉၉၂ လက်ထပ်)

သားသမီး =  မာလီယာ အန် (သမီး၊ ၁၉၉၈ မွေး) နာတာရှာ (ဆာစ်ဟာ) (သမီး၊ ၂ဝဝ၁)

နေရပ်= ချီကာကို၊ အီလီနွိုက်ပြည်နယ်

ပညာရေး = ဟားဗတ်ဥပဒေကျောင်း၊ ကိုလံဘီယာတက္ကသိုလ်၊ အောစီဒင်တယ်ကောလိပ်

ကိုးကွယ်သည့် ဘာသာ = ပရိုတက်စတင့် ခရစ်ယာန်

____________________
ငယ်စဉ်ဘ၀

ဟာဝိုင်ရီရှိ အမေရိကန်တက္ကသိုလ် University of Hawaii at Manoa အတွင်းရှိ နိုင်ငံခြားသား ကျောင်းသားတစ်ဦးဖြစ်သည့် ကင်ညာနိုင်ငံသား လူမည်းလူမျိုး ဖခင် ဘားရက် ဟူစိန် အိုဘားမားနှင့် ဒေသခံ Kansas နယ်မှ အမေရိကန် လူဖြူလူမျိုး မိခင် Ann Dunham တို့ လက်ထပ်ခဲ့ကြပြီး အမေရိကန်သမ္မတ ဖြစ်လာမည့် ဘားရက် အိုဘားမားကို မွေးဖွားခဲ့သည်။

အိုဘားမား ၂ နှစ်အရွယ်တွင် မိဘများ ကွာရှင်းခဲ့ကြသည်။ ဖခင်မှာ ကင်ညာနိုင်ငံသို့ ပြန်သွားခဲ့သည်။ ၁၉၈၂ ခုနှစ်တွင် ဖခင်ဖြစ်သူ ဆိုင်ကယ် မတော်တဆမှု ဖြစ်ပွားကာ သေဆုံးသည်အထိ ဖခင်ဖြစ်သူနှင့် အိုဘားမားမှာ တစ်ကြိမ်သာ တွေ့ဆုံခဲ့ရသည်။

မိခင်မှာ အင်ဒိုနီးရှားလူမျိုး လိုလို ဆိုးတိုရိုနှင့် လက်ထပ်ခဲ့ကာ ၆ နှစ်အရွယ် သားငယ် အိုဘားမားနှင့်အတူ အင်ဒိုနီးရှားနိုင်ငံသို့ ၁၉၆၇ ခုနှစ် ပြောင်းရွှေ့နေထိုင်ခဲ့ကြသည်။ အင်ဒိုနီးရှားနိုင်ငံ မြို့တော် ဂျာကာတာတွင် ၁၀ နှစ်အရွယ်အထိ ကျောင်းနေခဲ့ရသည်။

၁၉၇၁ ခုနှစ်တွင် မိခင်ဘက်မှ အဘိုးအဘွားများရှိရာ ဟာဝိုင်ရီသို့ သွားရောက်နေထိုင်ခဲ့ပြီး၊ ဟာဝိုင်ရီရှိ ပုဂ္ဂလိကကျောင်း တစ်ခုဖြစ်သည့် Punahou ကျောင်းတွင် ၅ တန်းမှ ၁၉၇၉ ခုနှစ် ကျောင်းပြီးသည်အထိ တက်ရောက်ခဲ့သည်။

မိခင်မှာ ဟာဝိုင်ရီသို့ ပြန်လာကာ အချိန်အတန်ကြာ အိုဘားမားနှင့်အတူ နေထိုင်ခဲ့ပြီး၊ သူ၏ ဒေါက်တာဘွဲ့အတွက် သုတေသနပြုလုပ်ရန် အင်ဒိုနီးရှားသို့ ပြန်လည် ၀င်ရောက် နေထိုင်ခဲ့သည်။

၁၉၉၅ ခုနှစ်တွင် သားအိမ်ကင်ဆာရောဂါဖြင့် မိခင်ကွယ်လွန်သည်။

အိုဘားမားသည် အထက်တန်းကျောင်း တက်ရောက်စဉ် ဆေးခြောက်၊ ကိုကင်းနှင့် အရက်များ သုံးစွဲခဲ့ကြောင်း ၂၀၀၈ ခုနှစ် လူထုဟောပြောပွဲတွင် ၀န်ခံခဲ့ပြီး စာရိတ္တရေးရာပျက်စီးမှု ဖြစ်ခဲ့ဖူးကြောင်း ၀န်ခံခဲ့သည်။

အထက်တန်းကျောင်းအပြီး ကယ်လီဖိုးနီးယားပြည်နယ်၊ လော့စ်အိန်ဂျယ်လိစ်မြို့ရှိ Occidental College တွင် သွားရောက် ပညာသင်ကြားခဲ့သည်။

ထို့နောက် နယူးယောက်မြို့ရှိ Columbia University သို့ ပြောင်းရွှေ့ပညာသင်ကြားခဲ့ပြီး နိုင်ငံတကာ ဆက်ဆံရေး ပညာရပ် အထူးပြုလေ့လာကာ နိုင်ငံရေးသိပ္ပံဖြင့် B.A ဘွဲ့ကို ၁၉၈၃ ခုနှစ်တွင် ရရှိခဲ့သည်။

၁၉၈၃ နှစ်ဦးပိုင်းမှ စတင်ပြီး Business International Cooperation တွင် တနှစ်ကြာ ၀င်ရောက်လုပ်ကိုင်ခဲ့ကာ New York Interest Research Group တွင် ပါဝင်လုပ်ကိုင်ခဲ့သည်။

ထို့နောက် ချီကာကိုသို့ ပြောင်းရွှေ့ကာ ဒေသခံ ကက်သလစ်ခရစ်ယာန် အသင်းတော်များ အခြေပြု လူထုစည်းရုံးရေး လုပ်ငန်းများ လုပ်ကိုင်သည့် Developing Communities Project - DCP တွင် ဒါရိုက်တာအဖြစ် ၃ နှစ်ကြာ ၀င်ရောက်လုပ်ကိုင်သည်။ အိုဘားမား ဦးဆောင်သည့် ကာလအတွင်း ၀န်ထမ်းများ တိုးပွားလာကာ ၀င်ငွေမှာလည်း အောင်မြင် တိုးတက်လာခဲ့သည်။

၁၉၈၈ ခုနှစ် နှစ်လယ်ပိုင်းတွင် ဥရောပသို့ သုံးပတ်ကြာသွားရောက် လည်ပတ်ခဲ့ပြီး ဖခင်နှင့် ဆွေမျိုးများရှိရာ ကင်ညာသို့ သွားရောက်ခဲ့သည်။ ဖခင်အပါအ၀င် ဆွေမျိုးများအား ပထမဆုံးအကြိမ် တွေ့ဆုံခဲ့သည်။

၁၉၈၈ ခုနှစ် နှစ်ကုန်ပိုင်း ဟားဗတ် ဥပဒေကျောင်းသို့ ၀င်ရောက် ပညာသင်ကြားခဲ့သည်။ တနှစ်အကြာ သူ၏ အရည်အချင်းကြောင့် ဟားဗတ် ဥပဒေသုံးသပ်ရေး ဂျာနယ်တွင် အယ်ဒီတာအဖြစ် ရွေးချယ်ခြင်း ခံခဲ့ရသည်။

၁၉၉၀ ခုနှစ်တွင် ဒုတိယနှစ်ကျောင်းသားကာလတွင် ဥပဒေသုံးသပ်ရေးအဖွဲ့ ဥက္ကဌအဖြစ် ရွေးချယ်ခံရသည်။ ပထမဆုံး လူမည်း ဥပဒေသုံးသပ်ရေးအဖွဲ့ ဥက္ကဌအဖြစ်လည်းကောင်း၊ အယ်ဒီတာချုပ်အနေဖြင့်လည်းကောင်း၊ ဥပဒေသုံးသပ်ရေးအဖွဲ့ဝင် အယ်ဒီတာ ၆ ဦးကို ဦးစီးလမ်းညွှန်သူအဖြစ်လည်းကောင်း ရွေးချယ်ခံရသည်။

ပထမဆုံး လူမည်း ဥပဒေသုံးသပ်ရေးအဖွဲ့ ဥက္ကဌ အဖြစ် ရွေးချယ်ခံရမှုအား ကျယ်ပြန့်စွာ ဆွေးနွေးတင်ပြခဲ့ကြပြီး အချိန်အတော်ကြာအထိ ဆွေးနွေးစရာကိစ္စ ဖြစ်ခဲ့သည်။

စာအုပ်ရေးသားခြင်း

ရွေးချယ်ခံရပြီးနောက် လူ့အသားအရောင်ကွဲပြားမှုများ ဆက်စပ်မှုအကြောင်း စာအုပ်ရေးသားရန် ကန်ထရိုက်ရခဲ့ပြီး၊ University of Chicago Law School က ထိုစာအုပ်ရေးသားရန် ၀န်ထမ်းတဦးနှင့် ရုံးခန်းတခုအား ပြင်ဆင်ပေးခဲ့သည်။ ၎င်းစာအုပ်အား တနှစ်အတွင်း အပြီးသတ်ရန် ပြင်ဆင်ခဲ့သော်လည်း အချိန်ကြာမြင့်ခဲ့ကာ နောက်ပိုင်းတွင် ကိုယ်ပိုင် ဘ၀ဖြတ်သန်းမှုများကို ရေးသားသည့် စာအုပ်အသွင်သို့ ပြောင်းလဲသွားသည်။

“Dream From My Father: A Story of Race and Inheritance” စာအုပ်အား ၁၉၉၅ ခုနှစ်တွင် ထုတ်ဝေခဲ့ပြီး ၎င်းစာအုပ်သည် အိုဘားမား နိုင်ငံရေးနယ်ပယ်ထဲသို့ မ၀င်ရောက်မီ ဟားဗတ် ဥပဒေသုံးသပ်ရေးဂျာနယ် ဥက္ကဌအဖြစ် ဆောင်ရွက်နေစဉ် ရေးသားထုတ်ဝေခဲ့ခြင်းဖြစ်ပြီး၊ သူ၏ ဘ၀ဖြတ်သန်းခဲ့မှုများကို ရေးသားခဲ့ခြင်းဖြစ်သည်။

အိုဘားမားနှင့် နိုင်ငံရေး

၁၉၉၂ ခုနှစ်မှ စတင်ကာ University of Chicago Law School တွင် ဖွဲ့စည်းပုံဆိုင်ရာ ဥပဒေဘာသာရပ်အား ၁၂ နှစ်ကြာ သင်ကြားခဲ့သည်။

၁၉၉၆ ခုနှစ်တွင် အီလီနွိုက်ပြည်နယ် လွှတ်တော်အမတ်အဖြစ် ရွေးကောက်တင်မြှောက်ခံခဲ့ရသည်။ ၁၉၉၈ ခုနှစ်နှင့် ၂၀၀၂ ခုနှစ်အထိ အီလီနွိုက်ပြည်နယ် လွှတ်တော်အမတ်အဖြစ် ဆက်တိုက်အရွေးခံခဲ့ရသည်။

၂၀၀၄ ခုနှစ်တွင် အမေရိကန်နိုင်ငံ အထက်လွှတ်တော်အမတ်အဖြစ် အရွေးခံရန် အီလီနွိုက်ပြည်နယ် လွှတ်တော်အမတ် ရာထူးမှ နှုတ်ထွက်ခဲ့သည်။

ပထမဆုံး အာဖလီကန်-အာမေလီကန် လွှတ်တော် အမတ်

၂၀၀၄ ခုနှစ် နိုဝင်ဘာလ အထွေထွေရွေးကောက်ပွဲတွင် အီလီနွိုက်ပြည်နယ်အတွင်းမှ ၇၀ ရာခိုင်နှုန်း ထောက်ခံမဲဖြင့် အမေရိကန် အထက်လွှတ်တော်အမတ်အဖြစ် ရွေးကောက်တင်မြှောက်ခံရသည်။

အမေရိကန်သမိုင်းတွင် ပဉ္စမမြောက် အာဖရိကန်-အမေရိကန် အထက်လွှတ်တော်အမတ်ဖြစ်ပြီး၊ ဇန္န၀ါရီလ ၄ ရက်၊ ၂၀၀၄ ခုနှစ်တွင် ကျမ်းသစ္စာကျိန်ဆိုသည်။

ပထမဆုံး အာဖလီကန်-အာမေလီကန် သမ္မတ

၂၀၀၇ ခုနှစ် ဖေဖော်ဝါရီလ ၁၀ ရက်တွင် အေဗဟမ်လင်ကွန်း၏ ၁၈၅၈ ခုနှစ်အတွင်းက ကျော်ကြားခဲ့သော မိန့်ခွန်းများ ပြောကြားခဲ့သည့် အီလီနွိုက်ပြည်နယ် Springfield တွင် အမေရိကန် သမ္မတရွေးကောက်ပွဲ၌ ၀င်ရောက်ယှဉ်ပြိုင်မည်ဖြစ်ကြောင်း ကြေညာခဲ့သည်။

၂၀၀၈ ခုနှစ် မဲဆွယ်စည်းရုံးရေးကာလအတွင်း ဒီမိုကရက်ပါတီအတွင်း ပြိုင်ဘက်ဖြစ်သူ ဟီလာရီကလင်တန်နှင့် အချိန်အတော်ကြာ ယှဉ်ပြိုင်ခဲ့ကြရသည်။

၂၀၀၈ ခုနှစ် နိုဝင်ဘာလ ၄ ရက်နေ့ အမေရိကန် သမ္မတ ရွေးကောက်ပွဲတွင် သမ္မတအဖြစ် ရွေးကောက်ခံခဲ့ရသည်။

တန်ဖိုး

တစ်ခါတုံးက တရုတ်ပြည်မှာ ရေထမ်းတဲ့လူ တစ်ယောက်ရှိတယ်။ သူဟာ ကြီးမားတဲ့ ရေအိုး နှစ်လုံး ကို ပခုံး တစ်ဘက် တစ်ချက်မှာ ထမ်းပြီး ရေသယ်လေ့ရှိတယ်တဲ့။ အိုးတစ်လုံးက နဲနဲ အက်နေတယ်။ အိုးက မလုံဘူး၊ ရေတွင်းကနေ သူ့အိမ်ဘက် ရေသယ်လာတိုင်း စိမ့်တာပေါ့။ ဒီတော့ အိမ်ရောက်တဲ့ အခါ ရေတစ်ဝက်ပဲ ပါသတဲ့။ ကျန်တဲ့ အိုးတစ်လုံးကတော့ အပြစ်အနာအဆာ မရှိဘူး။ ဒီတော့ သူ ရေတွင်းကနေ ရေထမ်းပြီး ပြန်လာတိုင်း ရေအပြည့်ပါတာပေါ့။ ဒီလိုနဲ့ အိမ်ရောက်ရင် အိုးတစ်လုံး နဲ့ တစ်ဝက် ပဲ... ရေသယ်လာလိုက်တာ နှစ်နှစ်လောက် ကြာ သွားသတဲ့။ ဒီတော့ အိုးအကောင်းလေး က သူ့ ကိုယ်သူ သိပ်ဂုဏ်ယူသတဲ့။ ငါက အပြစ်အနာအဆာမရှိဘူး... ဒါကြောင့် များများ သယ်နိုင်တယ် လို့ အထင်ရှိနေတယ်တယ် တဲ့။ အက်နေတဲ့ အိုးကလေးက စိတ်ထဲမှာ တော်တော်လေး သိမ်ငယ် နေရှာ တယ်။ အော်.. ငါ့မှာ အားနည်း ချက်ရှိတယ် ...သူများလို အပြည့်မသယ်နိုင်ဘူး... တစ်ဝက်ပဲ သယ်နိုင်တယ် ပေါ့။ ၀မ်းနည်းလဲဝမ်းနည်း နေတယ်တဲ့။ ဒီလိုနဲ့ တရက်မှာ အက်နေတဲ့ အိုးကလေးက ရေထမ်းသမား ကို ရင်ဖွင့် ရှာတယ်။ သခင်ရယ်... ကျွန်တော် သခင့်ကို တောင်းပန်ချင်ပါတယ်။ ကျွန်တော့်ကိုယ် ကျွန်တော်လည်း ရှက်မိပါတယ်။ သခင်ကတော့ သခင့်ဘက်က အပြည့်အ၀ အားစိုက်ပြီး ရေသယ် ရတယ်။ ဒါပေမဲ့ ကျွန်တော့် ဘေးဘက်မှာ ရှိတဲ့ အက်ကြောင်းလေး ကြောင့် သခင်သယ်သမျှ ရေတွေ အပြည့်မရဘူး... တစ်ဝက်က အလဟဿ ဖြစ်ရတယ်... လို့ ၀မ်းနည်း ပက်လက်နဲ့ ပြောမိတယ်။ အဲဒီအခါမှာ ရေထမ်းသမားက ဘယ်လိုပြန်ပြောသလဲဆိုတော့... အိုးကလေး... မင်းကြည့်လိုက်စမ်း.... ရေခပ်လမ်း တလျှောက်မှာ မင်းရှိတဲ့ ဘက်ခြမ်း တစ်လျောက်လုံး ပန်းတွေပွင့်နေတာ မင်းသတိပြုမိရဲ့လား... တဲ့။ ငါက မင်း ရေစိမ့်နေ တယ်ဆိုတာ သိတာပေါ့။ ဒါကြောင့် မင်းရှိတဲ့ ဘက်ခြမ်းမှာ ပန်းမျိုးစေ့တွေ ချထားခဲ့တယ်။ နှစ်နှစ်လုံးလုံး ရေခပ်လမ်း ကအပြန်မှာ မင်း က ဒီပန်းပင်လေးတွေကို ရေမှန်မှန် လောင်းပေးခဲ့တယ်။ အခုဆိုကြည့်စမ်း ... လှပတဲ့ ပန်းတွေပွင့်နေပြီ။ အိမ်မှာလည်း ပန်းအိုးလေးတွေ မှာလည်း ပန်းတွေ နဲ့ အလှဆင်နိုင်ပြီ... မင်းသာမရှိရင် ဒီလို ပန်းပွင့်လေးတွေနဲ့ ကျက်သရေ ရှိတဲ့ အိမ် ဖြစ်လာပါ့မလား။ စဉ်းစားကြည့်စမ်း... သင်ခန်းစာ ။ ။ လူတိုင်းမှာ အားနည်းချက် လေးတွေ ကိုယ်စီ ရှိပါတယ်။ ဒါပေမယ့် ဒီအားနည်း ချက်ကလေး တွေ ရှိနေတာကြောင့်ပဲ ပိုပြီး unique ဖြစ်လာတယ်...ပိုပြီး ချစ်စရာလည်း ကောင်းပါတယ်။ ဒီအားနည်းချက်အတွက် သဘာဝတရားကြီးက အစားတစ်ခုခုလည်း ပြန်ပေးတတ်ပါတယ်။ ဒါပေမယ့် မြင်သာချင်မှ လည်း မြင်သာမယ်၊ ချက်ခြင်း ရချင်မှလည်းရမယ်။

====

မြန်မာပြည်က ကမ္ဘာ.အမြင်.ဆုံး တံတား

မြန်မာပြည်က ကမ္ဘာ.အမြင်.ဆုံး တံတား 03-09-2013 ဂုတ်ထိပ်တံတား (Goteik viaduct) အမည်ရ တောင်ကြားဖြတ် မီးရထား သံလမ်း တံတား ရဲ့ တည်နေရာကတော့ ရှမ်းပြည်နယ် အနောက်ပိုင်း နောင်ချိုမြို့အနီးမှာ ဖြစ်ပါတယ်။ အတိအကျအားဖြင့် မန္တလေး-လားရှိုးလမ်း၊ နောင်ချိုဘူတာအလွန် ၇မိုင်အကွာတွင် တည်ရှိပါတယ်။ ပြင်ဦးလွင် နဲ့ လားရှိုး မြို့နှစ်ခုကြားက တံတားလို့လည်း နိုင်ငံခြားသားများက အလွယ်မှတ်ထားပါတယ်။ မြင်းခုံတံတားဆိုလို မြင်းတွေခုံတယ်လို့ ဘာသာပြန်ရန်မဟုတ်ပါ။ The world largest trestle လို့ အသိမှတ်ပြုထားတဲ့ တံတာဖြစ်ပြီး Trestle ဆိုတာ စတီး၊ သံမဏိ၊ သံချောင်းများဖြင့် ထောက်ခံထားသော တံတားလို့ လွယ်လွယ်ကူကူ ဘာသာပြန်နိုင်ပါတယ်။ မြန်မာအခေါ် ကတော့ မြင်းခုံ ဖြစ်ပါတယ်။ ၁၈၉၉ ခုနှစ်က တည်ဆောက်ပြီး ၁၉၀၀ ခုနှစ်မှာ ပြီးစီးခဲ့ပါတယ်။ အသုံးပြုတာကတော့ ၁၉၀၃ ခုနှစ်ရောက်မှ စတင်တယ်လို့ မြန်မာ့စွယ်စုံကျမ်းမှာ ဖော်ပြထားပါတယ်။ ဗြိတိသျှ ကိုလိုနီတို့ တည်ဆောက်ပေးခဲ့တယ်လို့ အကျမ်းဖျင်းမှတ်ယူပေမယ့် တာဝန်ယူတည်ဆောက်တာကတော့ ဗမာ့မီးရထားလမ်းကုမ္မဏီ (Burma Railroad Company) ဖြစ်ပါတယ်။ ယင်းကုမ္မဏီမှာ ဗြတိသျှ၊ မြန်မာ အင်ဂျင်နေယာများ ပါဝင်ပါတယ်။ ဦးဆောင်တည်ဆောက်သူကတော့ Sir Arthur Rendel ဖြစ်ပါတယ်။ အသုံးပြုတဲ့ အစိတ်အပိုင်းများကိုတော့ အမေရိကန်မှ တိုက်ရိုက် မှာယူထားခြင်း ဖြစ်ပါတယ်။ တံတားအရှည် ၂၂၆၀ပေ၊ တံတားအောက်ခြေမှ အမြင့် ပေ ၁၁၀၀ ရှိပြီး ပေ ၃၀၀ ကျော်မတ်စောက်သော လျှိုကြီးနှစ်ဖက်ကို ဖြတ်ကျော်တည်ဆောက် ထားခြင်း ဖြစ်ပါတယ်။ ရှမ်းဘာသာအခေါ် ငုပ်ထိပ်တံတားမှ ဂုတ်ထိပ်ဟူ၍ အမည်တွင်လာခဲ့သော တံတားဖြစ်သည်။ ယင်းတံတားကို တည်ဆောက်သည့် နည်းပညာ အဆင့်မြင့်မှုနှင့် သဘာဝပတ်ဝန်းကျင်လှပမှုတို့ကြောင့် ခေတ်အဆက်ဆက် ထင်ရှားကျော်ကြားလာသော တံတားဖြစ်ပြီး ကမ္ဘာ့အံ့ဖွယ်စာရင်းများတွင် ပါဝင်ခဲ့သည်။ ယနေ့တိုင်ထိလည်း မြန်မာပြည်၏ အမြင့်ဆုံး တံတား၊ ကမ္ဘာ့အကြီးဆုံး မီးရထားသံလမ်း တံတား (မြင်းခုံတံတား) ဟု မှတ်ကျောက်တင် ဆဲ ဖြစ်ကြောင်း သိရပါတယ်။ ခေတ်အဆက်ဆက် ပျက်ဆီးယိုယွင်းမှုများကို ထိန်းသိမ်းလာခဲ့ခြင်းကြောင့် ယနေ့တိုင် တည်ရှိနေဆဲဖြစ်သည့် Goteick viaduct သည် ကမ္ဘာလှည့်ခရီးသည်များ၏ စိတ်ဝင်စားဖွယ်၊ သွားရောက်လေ့လာဖွယ် နေရာတစ်ခု ဖြစ်ကြောင်း သိရပါတယ်။

အိုင်းစတိုင်းနှင့် ပက်သက်၍ လူသိနည်းသော အကြောင်းအရာအချို့ 

နိုဘယ်ဆုရ ကမ္ဘာကျော် ရူပဗေဒ ပညာရှင် အဲလ်ဘတ်အိုင်းစတိုင်းနှင့် ပက်သက်၍ လူသိနည်းသော အကြောင်းအရာများက အောက်ပါ အတိုင်း ဖြစ်ပါတယ်။

၁။ အိုင်းစတိုင်းဟာ အသက် ၄ နှစ်အရွယ်ကစလို့ စကားပြောတတ်ခဲ့ပါတယ်။ သို့ပေမယ့် အသက် ၉ နှစ်အထိ စကားကို ပီပီပြင်ပြင်၊ များများစားစား မပြောနိုင်ပါဘူး။ တစ်ရက် မိသားစုနှင့် ညစာစားစဉ်ချိန်မှ " The Soup is too hot" လို့ စပြောပြီး သူစကားပြောတတ်ရဲ့ သားနဲ့ မပြောပဲ နေခဲ့ တယ်ဆိုတာ ကို သိသွားပါတယ်။ သူ့ရဲ့ အကြောင်းပြချက်ကတော့ “Because up to now everything was in order." ဖြစ်ပါတယ်။

၂။ အသက် ၅ နှစ်အရွယ်မှာ ဖခင်ဖြစ်သူက သူ့ကို သံလိုက်အိမ်မြောင် တစ်ခု လက်ဆောင်ပေးခဲ့ပြီး ရူပဗေဒပညာအပေါ် ရူးသွတ်ခြင်းကို ယင်း သံလိုက် အိမ်မြောင်မှ စတင်ခဲ့ခြင်း ဖြစ်ပါတယ်။ သံလိုက်အိမ်မြောင်ဟာ ဘာလို့ အရပ် မျက်နှာပြသမှုမှာ ပုံသေဖြစ်နေရတာလည်းကို စတင် စိတ်ဝင်စား ခဲ့ခြင်း ဖြစ် ပါတယ်။

၃။ ကျောင်းပညာရေးမှာ ညံ့ဖျင်းပြီး စာမေးပွဲတောက်လျှောက်ကျတဲ့ အတွက် ကျောင်းအထုတ်ခံရပါတယ်။ အသက် ၁၇ နှစ်အရွယ်က လည်း ကောလိပ်ဝင်ခွင့်ဖြေဆိုတာ သင်္ချာနဲ့ ရူပဗေဒကလွဲလို့ ကျန်တဲ့ ဘာသာတွေ ကျပါတယ်။

၎။ အိုင်းစတိုင်း နှစ်သက်တဲ့ ပစ္စည်းနှစ်ခုကတော့ ခေါင်းဖီး နဲ့ ခြေအိတ်ဖြစ် ပါတယ်။

၅။ City Light အမည်ရ ဟောလိဝုဒ်ရုပ်ရှင် ရုံအတင်ဖွင့်ပွဲကို အိုင်းစတိုင်းရောက်ဖြစ်စဉ် ဟာသမင်းသား ချာလီချက်ပလင် နဲ့ တွေ့ဆုံစဉ် ချာလီမှ သူ့ကို စကားတစ်ခွန်းပြောခဲ့ပါတယ်။ "ကျွန်တော့ကိုကျ လူတွေ နားလည်လို့ အားပေးကြတယ်။ ခများကိုကျ လူတွေနားမလည်လို့ အားပေးကြတယ်"

၆။ အိုင်းစတိုင်း ပထမဇနီး Mileav Maric နဲ့လမ်းခွဲရတဲ့အကြောင်းက သူ့မှာ မောင်နှမဝမ်းကွဲတော်သူ မိန်းကလေး Elsa နဲ့ချစ်ကြိုက်နေ လို့ ဖြစ်ပါတယ်။ ဒါကြောင့် အိုင်းစတိုင်းဟာ အိမ်ထောင်ရေးဖောက်ပြန်သူ တစ်ဦး (Adultery) ဖြစ်ပါတယ်။

၇။ ဟစ်တလာက အိုင်းစတိုင်းကို နံပါတ်တစ် ပြည်သူ့ ရန်သူ အဖြစ် သတ်မှတ်ခဲ့ပါတယ်။

၈။ အိုင်းစတိုင်းကွယ်လွန်ချိန်မှာ သူ့ဦးနှောက်ကို အဖယ်ရှားခံခဲ့ရပါတယ်။ သူ့မိသားစု ခွင့်ပြုချက်ကို နှစ်အတော်ကြာမှ ပြန်လည်တောင်း ဆိုတာ ဖြစ်ပါတယ်။ ဖယ်ရှားသူကတော့ ဒေါက်တာ သောမတ်စ် (Thomas Stoltz Harvey) ဖြစ်ပြီး လေ့လာစစ်ဆေးရန် ဖြစ်ပါတယ်။ ကမ္ဘာတစ်လွှား က ဆေးပညာရှင်၊ Scientist များထံ ပို့ခဲ့ပြီး အဖြေရှာရာ သာမန်လူတွေထက် ထူးခြားတဲ့ ဦးနှောက်ကို ပိုင်ဆိုင်ထားကြောင်း လေ့လာတွေ့ရှိခဲ့ပါတယ်။

၉ ။ အိုင်းစတိုင်းဟာ တယောတီး ဝါသနာ ပါသူ တစ်ဦးဖြစ်ပါတယ်။ " အကယ်၍ ရူပဗေဒပညာရှင်သာ ဖြစ်မလာရင်၊ ကျွန်တော်ဟာ အနုပညာရှင် တစ်ဦး ဖြစ်နေလောက်ပါပြီ။ သီချင်းတွေကို ထိုင်တွေးနေမိပြီး အိပ်မက်ထဲမှာလည်း သီချင်းတွေကြားထဲမှာ နေထိုင်နေပါတယ်။ တယောတီးမိတဲ့ အချိန်ကျ ဘဝရဲ့ အပျော်ဆုံး အချိန်တစ်ခုလိုပဲ သတ်မှတ်ခံစားရပါတယ်" လို့ပြောဆိုခဲ့ဖူးပါတယ်။
----

ပြည်ထောင်စု မြန်မာနိုင်ငံတော် ပထမဆုံး လွတ်လပ်ရေးနေ့ အခမ်းအနား

Written By - တင်နိုင်တိုး

မြန်မာနိုင်ငံသည် ၄ ဇန်န၀ါရီ ၁၉၄၈ နံနက် ၄ နာရီ မိနစ် ၂၀ တွင် ဗြိတိသျှအစိုးရထံမှ လွတ်လပ်ရေးရရှိကာ လွတ်လပ်သော ပြည်ထောင်စုမြန်မာနိုင်ငံ ဖြစ်လာခဲ့သည်။ ပထမဆုံးသော လွတ်လပ်ရေးနေ့ အခမ်းအနားနှင့် ပတ်သက်၍ ဦးသန့်(နောင် ကုလသမဂ္ဂ အတွင်းရေးမှူးချုပ်)က မှတ်တမ်းတင်ခဲ့ဖူးသကဲ့သို့ ထိုခေတ်ကာလ သိမီသူများကလည်း ပြန်လည်ပြောပြခဲ့ကြသည်။ ထိုခေတ်ကာလ အခမ်းအနား ကျင်းပခဲ့ကြပုံကို အောက်ပါအတိုင်း လေ့လာတွေ့ရှိ ရပါသည်။

ပါလီမန် လွှတ်တော်ရင်ပြင်

နံနက် ၄ နာရီအချိန်တွင် တိုင်းပြည်ပြုလွှတ်တော် မျက်နှာစာရှိ အလံတိုင်ရှိရာ မြက်ခင်းပြင်သို့ ယာယီသမ္မတ စ၀်ရွှေသိုက် ရောက်ရှိလာခဲ့သည်။ သူနှင့်အတူ ကိုယ်ရံတော် ဗိုလ်များဖြစ်ကြသည့် ကာနယ်မြင့်သိန်း၊ ကာနယ်ထင်စီတို့အပြင် အတွင်းဝန်ဦးရွှေဘော်၊ အိမ်တော်ဝန်ဦးစံဖေတို့ လိုက်ပါလာခဲ့ကြသည်။ ထို့ပြင် ယာယီဝန်ကြီးချုပ် သခင်နု၊ ယာယီပါလီမန် လွှတ်တော်ဥက္ကဋ္ဌ၊ ယာယီဝန်ကြီးများလည်း ရောက်ရှိလာခဲ့ကြသည်။ ၎င်းပြင် တိုင်းမင်းကြီးများ၊ ရာထူးဝန်အဖွဲ့ ဥက္ကဋ္ဌနှင့် အဖွဲ့ဝင်များ၊ နိုင်ငံခြား အထူးသံတမန်များ၊ ရာဇ၀တ် တရားသူကြီးများလည်း စုရုံးရောက်ရှိ ခဲ့ကြသည်။

တပ်များကို စစ်ဆေးခြင်း

စည်တော်ရွမ်းလိုက်ချိန်တွင် နိုင်ငံတော် ယာယီသမ္မတကြီး စ၀်ရွှေသိုက် အဆောင်အယောင်များဖြင့် ဆင်ဝင်ရှေ့သို့ ထွက်လာခဲ့သည်။ ထို့နောက် စည်တော်ရပ်သွားကာ ကရင်အမျိုးသားတပ်၏ ဘင်ခရာသံနှင့်အတူ သမ္မတကြီးက ဗမာ့တပ်မတော်၊ ဗမာ့ရေတပ်၊ ဗမာ့လေတပ်၊ သောင်းကျန်းမှုနှိမ်နင်းရေးတပ်၊ ဗမာ့လက်နက်ကိုင် ပုလိပ်အဖွဲ့တို့အား တစ်တပ်ပြီးတစ်တပ် လိုက်လံစစ်ဆေးခဲ့သည်။ ထိုအချိန်အထိ အလံတိုင်ထိပ်မှ ယူနီယံဂျက်အလံက ဆောင်းလေကြောင့် တဖျပ်ဖျပ် လှုပ်ရှားနေဆဲဖြစ်သည်။

ယူနီယံဂျက် အလံကို ရုပ်သိမ်းခြင်း

နံနက် ၄ နာရီ မိနစ် ၁၉ တွင် ပရိသတ်အားလုံး ငြိမ်ကြရန် မီးရောင်အချက်ပေးပါသည်။ အလံတိုင်၏ အရှေ့ဘက်နှင့် အနောက်ဘက်တွင် အသီးသီး ရပ်နေကြသော ဗာမင်ဟမ် စစ်သင်္ဘောမှ အရာရှိနှစ်ဦးနှင့် ဗမာ့ရေတပ်မှ အရာရှိနှစ်ဦးတို့က အခါတော်ပေး အမြောက်သံကို နားစွင့်နေကြသည်။ နံနက် ၄ နာရီ မိနစ် ၂၀ တိတိတွင် ရန်ကုန်မြစ်ဆိပ်၌ ဆိုက်ကပ်ထားသော ဗာမင်ဟမ် စစ်သင်္ဘောမှ အမြောက်ပစ်ဖောက် အချက်ပေးလိုက်ပါသည်။ ထိုအခါ ဘင်ခရာတပ်ဖွဲ့က စတင်တီးမှုတ်လိုက်၏။ ယူနီယံဂျက်အလံက တဖြည်းဖြည်း တိုင်ထိပ်မှကျလာသည်။ အင်္ဂလိပ် ဘုရားရှိခိုးကျောင်းများမှ ခေါင်းလောင်းသံများ၊ ဥသြဆွဲသံများ ဆူညံသွားသည်။ သေနတ်ပစ်ဖောက်သံ၊ ဗြောက်အိုးဖောက်သံများနှင့်အတူ ကောင်းကင်ပြင်တစ်ခုလုံး မီးရှူးမီးပန်းများဖြင့် လင်းထိန်သွားသည်။ ယူနီယံဂျက်အလံကို ရုပ်သိမ်းလိုက်ပြီ ဖြစ်ပါသည်။

မြန်မာနိုင်ငံတော်အလံ လွှင့်ထူခြင်း

ဗြိတိသျှအစိုးရ၏ ယူနီယံဂျက်အလံကို ချလိုက်သည်နှင့် တစ်ပြိုင်နက် ဗမာ့ရေတပ်မှ အရာရှိ စောချစ်စိန်က ပြည်ထောင်စု မြန်မာနိုင်ငံတော်အလံကို တိုင်ထိပ်သို့ ကြိုးဖြင့်ဆွဲတင် လွှင့်ထူလိုက်ပါသည်။ ထိုစဉ် စစ်တီးဝိုင်းက မြန်မာနိုင်ငံတော် သီချင်းကို တီးမှုတ်ပေးနေပါသည်။ အလံတော်တိုင်ထိပ်သို့ ရောက်သည်နှင့်တစ်ပြိုင်နက် ပုဏ္ဏားတော်များက ခရုသင်းမှုတ်လိုက်ကာ မင်းပရိသတ်အပေါင်းက မြန်မာနိုင်ငံတော် အလံကို အလေးပြုကြသည်။ စည်တော်ကလည်း ရွမ်းလျက်ရှိနေသည်။

ပါလီမန် လွှတ်တော်ခန်းမ

နံနက် ၄ နာရီ မိနစ် ၄၀ တွင် ရန်ကုန်မြို့ အတွင်းဝန်ရုံးတွင်းရှိ ပါလီမန်လွှတ်တော် ခန်းမအတွင်းသို့ ပရိသတ်များ ၀င်ရောက်နေရာယူကြသည်။ ပရိသတ်စုံညီ ရောက်ရှိပြီးနောက် ၄ နာရီ ၄၅ မိနစ်အချိန်တွင် နိုင်ငံတော်သမ္မတကြီး စ၀်ရွှေသိုက်၊ ၀န်ကြီးချုပ်သခင်နု၊ ယာယီပါလီမန်ဥက္ကဋ္ဌ ပျော်ဘွယ်ဦးမြတို့ ခန်းမအတွင်းသို့ ၀င်ရောက်လာရာ ပရိသတ်တို့က မတ်တတ်ရပ် အရိုအသေ ပြုခဲ့ကြသည်။ သမ္မတကြီး စင်မြင့်ထက်၌ နေရာယူပြီးနောက် သမ္မတရာထူးကို လက်ခံသိမ်းပိုက်ကြောင်း ကြေညာလိုက်သည်။ ထို့နောက် ပြည်ထောင်စုမြန်မာနိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေ အတည်ဖြစ်ကြောင်း ကြေညာလိုက်ရာ ပရိသတ်အားလုံးက တစ်ခဲနက် သြဘာပေးကြသည်။ ထို့နောက် မြန်မာ့လွတ်လပ်ရေးအတွက် အသက်ပေးခဲ့ကြသူများအား ဂုဏ်ပြုသောအားဖြင့် ၂ မိနစ် ငြိမ်သက်နေကြသည်။ ယင်းနောက် ၀န်ကြီးချုပ် သခင်နုက အောင်စေသတည်း အစချီ လွတ်လပ်ရေးကြေညာစာတမ်းကို ဖတ်ကြားပါသည်။ ပြီးသောအခါ ဦးကျော်မြင့်လေးက တိုင်ပေးသည့် နိုင်ငံတော်သီချင်းကို စုရုံးရောက်ရှိလာကြသည့် ပရိသတ်များက သီဆိုခဲ့ကြသည်။

ဝန်ကြီးချုပ်မိန့်ခွန်း

ဝန်ကြီးချုပ် သခင်နုက ကျမ်းသစ္စာကျိန်ဆို လက်မှတ်ရေးထိုးလိုက်ပြီးနောက် လွတ်လပ်ရေး မိန့်ခွန်းတစ်ရပ်ကို ဟောကြားခဲ့သည်။ ၀န်ကြီးချုပ်က မိန့်ခွန်းပြောကြားရာတွင် “ဒီနေ့ ကျွန်တော်တို့လက်ထဲကို ရောက်လာတဲ့ လွတ်လပ်ရေးကြီးဟာ အစဉ်ထာဝရ ခိုင်မြဲတည်တံ့ပါစေ။ လွတ်လပ်ရေးနဲ့အတူ ရရှိလာတဲ့ တိုင်းရင်းသား စည်းလုံးညီညွတ်မှုကြီးဟာလည်း အစဉ်ထာဝရ ခိုင်မြဲတည်တံ့ပါစေလို့ ကျွန်တော်ဆုတောင်းပါတယ်။” စသည်ဖြင့် ပါရှိခဲ့သည်။

ဘုရင်ခံအိမ်တော်

လွတ်လပ်ရေးနေ့ အခမ်းအနားကို ဘုရင်ခံအိမ်တော်၌လည်း ကျင်းပခဲ့သည်။ ဘုရင်ခံနေထိုင်ရာ အိမ်တော်မှာ ယခုရန်ကုန်တိုင်းဒေသကြီး လွှတ်တော်ဝင်းအတွင်း ရှိခဲ့ဖူးကြောင်းဆိုသည်။ ဘုရင်ခံ ဆာဟူးဘတ်ရန့်(စ်)နေထိုင်ရာ အိမ်တော်သည် လွတ်လပ်ရေးရရှိပြီးနောက် သမ္မတအိမ်တော် ဖြစ်လာခဲ့သည်။ နံနက် ၆ နာရီ မိနစ် ၃၀ တွင် ဘုရင်ခံအိမ်တော်၌ အာဏာလွှဲပြောင်းပေးအပ်ပွဲ အခမ်းအနား ကျင်းပခဲ့သည်။ ယင်းအခမ်းအနားသို့ သမ္မတကြီး စ၀်ရွှေသိုက်နှင့် ဇနီးမဟာဒေ၀ီ၊ ၀န်ကြီးချုပ်ဦးနုနှင့် ဇနီးဒေါ်မြရီ၊ စ၀်ခွန်ချို၊ ဗိုလ်လက်ျာ စသူတို့ တက်ရောက်ခဲ့ကြသည်။ အချိန်ကျရောက်သောအခါ ဘုရင်ခံနှင့် ဘုရင်ခံကတော်တို့ အလံတင် အခမ်းအနား လုပ်မည့်နေရာသို့ ထွက်လာခဲ့ကြသည်။ ထို့နောက် ယူနီယံဂျက် အလံကိုချပြီး မြန်မာနိုင်ငံတော် အလံကို လွှင့်ထူလိုက်ကြသည်။ မြန်မာနိုင်ငံတော်အလံ လွှင့်ထူစဉ် ဘုရင်ခံဆာဟူးဘတ်ရန့်(စ်)အပါအ၀င် ပရိသတ်များက အလံတော်အား အလေးပြုခဲ့ကြသည်။

ဘုရင်ခံ ပြန်လည်ထွက်ခွာ

ဘုရင်ခံ ဆာဟူးဘတ်ရန့်(စ်)သည် အလံတင်အခမ်းအနား ပြီးဆုံးသည်နှင့် အိမ်တော်မှ သင်္ဘောဆိပ်သို့ တန်းဆင်းခဲ့သည်။ ထိုစဉ်က သင်္ဘောဆိပ်မှာ ပန်းဆိုးတန်း၌ တည်ရှိပါသည်။ သမ္မတကြီး စ၀်ရွှေသိုက် အပါအ၀င် အားလုံးက လိုက်ပို့ကြသည်။ ဘုရင်ခံနှင့် ဇနီးတို့သည် ပန်းဆိုးတန်းဆိပ်တွင် ဆိုက်ကပ်ထားသော ဗာမင်ဟမ် စစ်သင်္ဘောဖြင့် ပြန်လည်ထွက်ခွာခဲ့ကြသည်။

ကန်တော်ကြီးအတွင်း အခမ်းအနား

ဘုရင်ခံကို သင်္ဘောဆိပ်သို့ လိုက်လံပို့ဆောင်ခဲ့ကြပြီးနောက် နံနက် ၈ နာရီ အချိန်တွင် ရန်ကုန်မြို့ ကန်တော်ကြီး၌ အခမ်းအနား ဆက်လက်ကျင်းပ ခဲ့ပါသည်။ သမ္မတစ၀်ရွှေသိုက်၊ ၀န်ကြီးချုပ် သခင်နုတို့ မိသားစုများသည် ကရ၀ိတ်ဖောင်တော်စီးနင်းကာ ကန်တော်ကြီးအတွင်း လှည့်လည်စဉ် ကမ်းထက်မှပရိတ်သတ်က လက်ပြနှုတ်ဆက်ခဲ့ကြသည်။ သမ္မတကြီး၊ ၀န်ကြီးချုပ်နှင့် မိသားစုဝင်များကလည်း ပြန်လည်လက်ပြ နှုတ်ဆက်ခဲ့ကြ၏။

ပျော်ပွဲရွှင်ပွဲများ

လွတ်လပ်ရေးနေ့ ပျော်ပွဲရွှင်ပွဲများကို ရန်ကုန်မြို့ နေရာအနှံ့အပြားတွင် ကျင်းပခဲ့ကြသည်။ ရွှေတိဂုံစေတီတော် အနောက်ဘက်မုခ်တွင် ပြခန်းများ၊ ဈေးဆိုင်ခန်းများဖြင့် စည်ကားနေခဲ့သည်။ ရန်ကုန်မြို့တွင်သာမက မြန်မာပြည် မြို့ရွာအသီးသီးတွင် လည်းကောင်း၊ ပြည်ပစတင်ဖွင့်လှစ်စ မြန်မာသံရုံးအချို့တွင် လည်းကောင်း လွတ်လပ်ရေးနေ့ အခမ်းအနားအဖြစ် ပျော်ပွဲရွှင်ပွဲများကို စည်ကားသိုက်မြိုက်စွာ ကျင်းပခဲ့ကြပါသည်။ ပထမဆုံး လွတ်လပ်ရေးနေ့တွင် ၃ ရက်ညဘက် ညဥ့်နက်အထိ စားကြသောက်ကြ စကားပြောကြနှင့်မို့ ၄ ရက်တွင် အလံတင် အခမ်းအနားသို့ အချိန်မီ မရောက်ခဲ့သည့် ဆရာကြီးကိုသန်း (ကြည့်မြင်တိုင်)ကမူ “ဆူးလေခုံးတံတားကြီးပေါ်ရောက်တော့ ကျွန်တော်တို့ ဂျစ်ကားပိတ်မိနေတယ်။ ထွက်တာနောက်ကျတော့ အတွင်းဝန်ရုံးမှာလုပ်တဲ့ အလံတင်အခမ်းအနားကို မမီတော့ဘူးလေ။ အလံတင်ပြီးလို့ အမြောက်တွေတောင် ဖောက်နေပြီ။ အဲဒီအချိန်မှာ ရန်ကုန်မြို့တစ်မြို့လုံး သေနတ်သံတွေ တညံညံနဲ့။ မိုးပေါ်ထောင်ဖောက်ကြတာ။ လွတ်လပ်ရေးရတဲ့ အထိမ်းအမှတ် အနေနဲ့ပေါ့” ဟု ပြန်လည်ပြောကြားခဲ့သည်။

(ဗြိတိသျှအစိုးရ၏ ယူနီယံဂျက်အလံကို ချလိုက်သည်နှင့် တစ်ပြိုင်နက် ဗမာ့ရေတပ်မှ အရာရှိ စောချစ်စိန်က ပြည်ထောင်စု မြန်မာနိုင်ငံတော်အလံကို တိုင်ထိပ်သို့ ကြိုးဖြင့်ဆွဲတင် လွှင့်ထူလိုက်ပါသည်။ ထိုစဉ် စစ်တီးဝိုင်းက မြန်မာနိုင်ငံတော် သီချင်းကို တီးမှုတ်ပေးနေပါသည်)

ရှုံးနိမ့်မှုပေါင်း (၁ဝဝ၉) ကြိမ်ကိုဖြတ်သန်းခဲ့ပြီး ဘဝရဲ့နောက်ဆုံးနေဝင်ချိန်ကျမှ အောင်မြင်ခဲ့တဲ့ လူသားတစ်ယောက်

ရှုံးနိမ့်မှုပေါင်း (၁ဝဝ၉) ကြိမ်ကိုဖြတ်သန်းခဲ့ပြီး ဘဝရဲ့နောက်ဆုံးနေဝင်ချိန်ကျမှ အောင်မြင်ခဲ့တဲ့ လူသားတစ်ယောက်အကြောင်းကိုပြောပြချင်ပါတယ်။
သူ့အကြောင်းကတော့ဒီလိုပါ။ လူ့လောကမှာသူ့ကိုမွေးဖွားလိုက်ပြီး-

(၅) နှစ်သားအရွယ်မှာ သူ့ဖခင်ရုတ်တရက်ကွယ်လွန်သွားခဲ့တယ်။ ဖခင်မရှိတော့တဲ့နောက်ပိုင်း သူ့မိခင်က အလုပ်ထွက်လုပ်ခဲ့ရတယ်။

(၁၂) နှစ်သားအရွယ်မှာ သူ့မိခင်က နောက်အိမ်ထောင်ပြုလိုက်တယ်။ သူ့ပထွေးရိုက်နှက်နှိပ်စက်တဲ့ဒဏ်ကို နောက်ကွယ်မှာခံခဲ့ရတယ်။

(၁၄) နှစ်သားအရွယ်ရောက်တော့ ကျောင်းတက်ဖို့လဲပိုက်ဆံမရှိ၊ မိဘအိမ်မှာလည်း မနေချင်တော့တဲ့အတွက်ကြောင့် လေလွင့်တဲ့ဘဝကို စတင်ရောက်ရှိခဲ့ရတယ်။

(၁၆) နှစ်သားအရွယ်မှာအသက်လိမ်ပြီးစစ်ထဲဝင်ခဲ့တယ်။ မကြာခဏ သင်္ဘောမူးတဲ့အတွက်ကြောင့် အိမ်ပြန်ပို့ခံရတယ်။

(၁၈) နှစ်အရွယ်မှာ အိမ်ထောင်ပြုတယ်။ မကြာပါဘူး။ သူပိုင်သမျှကို သူ့ဇနီးက ရောင်းစားပြီး မိဘအိမ်ပြန်ပြေးခဲ့တယ်။

(၂ဝ) နှစ်အရွယ်မှာ မီးပြင်ဆရာ၊ ကူးတို့သမားလုပ်ခဲ့တယ်။ အဲဒီနောက် ရထားသံလမ်းဝန်ထမ်းလုပ်ခဲ့တယ်။ ဒါပေမယ့် ဘာအလုပ်မှ အဆင်ပြေတယ်ဆိုတာ မရှိခဲ့ဘူး။

(၃ဝ) နှစ်အရွယ်မှာ အာမခံကုမ္ပဏီတစ်ခုမှာ အရောင်းမြှင့်တင်သူလုပ်ခဲ့တယ်။ ဒါပေမယ့်နောက်ပိုင်းမှာ အပိုဆုကြေးနဲ့ပတ်သက်ပြီး သူဌေးနဲ့ရန်ဖြစ် စကားများပြီး အလုပ်က နှုတ်ထွက်ခဲ့တယ်။

(၃၁) နှစ်အရွယ်မှာ ဥပဒေပညာကို ကိုယ်တိုင်လေ့လာသင်ယူပြီး သူငယ်ချင်းရဲ့ အားပေးမှုနဲ့ ရှေ့နေအလုပ်ကို သူလုပ်ခဲ့တယ်။ ဒါပေမယ့် အမှုတစ်ခုနဲ့ တရားရုံးမှာ အမှုအပ်သူနဲ့ ထိုးကြိတ်ခဲ့ကြတယ်။

(၃၂) နှစ်အရွယ်မှာ အလုပ်လက်မဲ့ဖြစ်ပြီး ပင်ပန်းဆင်းရဲခဲ့ရတယ်။

(၃၅) နှစ်အရွယ်မှာကံမကောင်းခြင်းက သူ့ဆီကျရောက်ခဲ့ပြန်တယ်။ ကားမောင်းပြီး တံတားတစ်စင်းပေါ်ဖြတ်တဲ့အချိန် တံတားကျိုးကျပြီး ကားရောလူပါ ချောက်ထဲကျသွားခဲ့တယ်။ တစ်ကိုယ်လုံးဒဏ်ရာအထပ်ထပ်နဲ့ ကားဘီးအရောင်းမြှင့်တင်တဲ့အလုပ်ကို သူဆက်မလုပ်နိုင်ခဲ့တော့ဘူး။

(၄ဝ) နှစ်အရွယ်မှာ မြို့တစ်မြို့မှာ ဓါတ်ဆီဆိုင်တစ်ဆိုင်သူဖွင့်ခဲ့တယ်။ ဆိုင်းဘုတ်တင်ချိန်မှာ စီးပွားဖက်နဲ့ ရန်ဖြစ်ခဲ့တဲ့အတွက် အမှုဖြစ်ပွားခဲ့ရတယ်။

(၄၇) နှစ်အရွယ်မှာ ဒုတိယအိမ်ထောင်နဲ့ သူကွာရှင်းခဲ့တယ်။ သားသမီး သုံးဦး ကျန်ခဲ့တယ်။

(၆၁) နှစ်အရွယ်မှာ အထက်လွှတ်တော်အမတ် ဝင်အရွေးခံခဲ့ပေမယ့် မအောင်မြင်ခဲ့ဘူး။

(၆၅) နှစ်အရွယ်မှာ လမ်းချဲ့တဲ့အစိုးရကြောင့် နာမည်ထွက်စပြုနေတဲ့ Fast food သူ့စားသောက်ဆိုင်လေး ဖျက်သိမ်းခံလိုက်ရတယ်။ ရှိစုမဲ့စုပစ္စည်းတွေကို တန်ဖိုးနည်းနည်းနဲ့ သူရောင်းချခဲ့ရတယ်။

(၆၆) နှစ်အရွယ်မှာ ရှင်သန်ဖို့အတွက် အနယ်နယ်အရပ်ရပ်က စားသောက်ဆိုင်မှာ သူတတ်တဲ့ ကြက်ကြော်အတတ်ပညာနဲ့ အလုပ်ရှာခဲ့တယ်။

(၇၅) နှစ်အရွယ်မှာ ကိုယ်တိုင်လုပ်နိုင်တဲ့အင်အားမရှိတာကြောင့် ကိုယ်စတည်ထောင်ခဲ့တဲ့အမည်နဲ့ အတတ်ကိုလွှဲပြောင်းလိုက်တယ်။ ပိုင်ရှင်အသစ်က သူ့ကို စတော့ရှယ်ယာတစ်သောင်းပေးပြီး ဝယ်ယူတဲ့စရိတ်အချို့လုပ်ချင်ခဲ့ပေမယ့် သူငြင်းပယ်ခဲ့တယ်။ နောက်ပိုင်း ကုမ္ပဏီစတော့ဈေးတက်လာခဲ့ပြီး အလုပ်လက်မဲ့ဖြစ်နေတဲ့သူ့အတွက် သူဌေးဖြစ်ဖို့ အခွင့်အလမ်းရခဲ့တယ်။

(၈၃) နှစ်အရွယ်မှာ Fast food နောက်ထပ် စားသောက်ဆိုင်တစ်ဆိုင်ကို သူထပ်ဖွင့်လိုက်တယ်။ ဒါပေမယ့် ကုမ္ပဏီအမှတ်တံဆိပ်နဲ့ ပတ်သက်ပြီး အမှုဖြစ်ခဲ့ရသေးတယ်။

(၈၈) နှစ်အရွယ်မှာ သူအောင်မြင်ခဲ့တယ်။ သူ့နာမည်ကမ္ဘာကျော်ခဲ့တယ်။ သူကတော့ KFC ကြက်ကြော် (Kentucky Fried Chicken or KFC) ကို စတင်တည်ထောင်သူ Harland David Sanders Colonel Sanders (9,Sept,1890-16,Dec,1980) ပဲဖြစ်ပါတယ်။

ကဲ...ဘယ်လိုလဲ သင့်မှာရော "ဒူးမထောက် လက်မမြှောက်တဲ့စိတ်" ရှိရဲ့လား။ ကိုယ့်ကိုယ်ကိုပြန်မေးကြည့်စမ်းပါ။

ကမ္ဘာ့ အကောင်းဆုံး တီထွင်မှု ၁၀ခု

 ၁။ World Wide Web
အင်္ဂလိပ် လူမျိုး အင်ဂျင်နီယာ Sir Tim Berners-Lee က၁၉၉၀မှာ တီထွင် ခဲ့ပါတယ်။
၂။ Computer
၁၉၄၁ခုနှစ်မှာ Konrad Zuse ကတီထွင်ခဲ့ ပါတယ်။
၃။ Airplanes
၁၉၀၃မှာ Wright Brothers ညီအကို နှစ်ယောက်က တီထွင်ခဲ့ ပါတယ်။
၎။ Light Bulb
၁၈၇၈မှာ Thomas Edison ကတီထွင် ခဲ့ပါတယ်။
၅။ Phonograph
sound recorder တစ်မျိုး ဖြစ်တဲ့ phonograph ကို ၁၈၇၇မှာ Thomas Edison ကတီထွင်ခဲ့ ပါတယ်။
၆။ Telephone
၁၈၇၆မှာ Scottish Engineer Alexander Graham Bell ကတီထွင် ခဲ့ပါတယ်။
၇။ Stream Engine
Thomas Newcomen က၁၇၁၂မှာ တီထွင် ခဲ့တာပါ။
၈။ Printing Press
Germany နိုင်ငံသား Johannes Gutenberg က၁၄၃၉မှာ တီထွင် ခဲ့ပါတယ်။
၉။ Compass
206 BC လောက်မှာ တရုတ် ဟန်မင်းဆက်တွေ အုပ်ချုပ်တဲ့ ကာလမှာ စတင် တီထွင် အသုံးပြု ခဲ့ပါတယ်။
၁၀။ Paper
စက္ကူ ကိုလည်း ဟန်မင်းဆက်တွေ အုပ်ချုပ်တဲ့ ကာလမှာပဲ တီထွင် ခဲ့တာပါ။ 

နေပျော်တဲ့ဘ၀၊ ကြည်မြတဲ့ဘ၀င်၊ ရွှင်လန်းတဲ့စိတ်

ပညာပေးးးပုံပြင်
========
ဟိုရှေးရှေးတုန်းက အင်မတန် မှ စိတ်တို၊ စိတ်ဆတ်တဲ့ ကောင်လေး တစ်ယောက်ရှိသတဲ့။

တစ်နေ့ကျတော့ သူ့အဖေက ကောင်လေးကို အိမ်ရိုက်သံတစ်ထုပ် ပေးလိုက်ပြီး ပြောပါတော့တယ်။ မင်းတစ်ခါ စိတ်တိုတိုင်း သံတစ်ချောင်းကိုနောက်ဖေး က ၀င်းထရံတိုင်မှာ သွားရိုက်ချေကွာတဲ့။

အဖေက အဲဒီလိုပြောပြီး သံထုပ်ကိုပေးလိုက်တဲ့ ပထမနေ့မှာ ကောင်လေးဟာ ၀င်းထရံတိုင်မှာ သံပေါင်း ၃၇ ချောင်းရိုက်သွင်း ဖြစ်သွားတယ်။

အဲဒီလိုနဲ့ သူစိတ်တိုတိုင်း သံလေးတွေကို ၀င်းထရံမှာ ရိုက်ရင်း ရိုက်ရင်း ကောင်လေးဟာ သူ့စိတ်သူ ထိန်းနိုင်လာသတဲ့။

သံရိုက်ချက်တွေဟာလည်း တစ်နေ့ထက်တစ်နေ့ ကျဲလာခဲ့တယ်။
ဒီလိုနဲ့ ကောင်လေးဟာ ၀င်းထရံမှာ သံပြေးရိုက်တာထက်စာရင် ဒေါသဖြစ်နေတဲ့ စိတ်ကိုထိန်းရတာ ပိုလွယ်မှန်း သဘောက်ပေါက်လာတော့တယ်၊

အဆုံးမှာ ကောင်လေးဟာ စိတ်မတိုပဲနေ နိုင်တဲ့နေ့ကို ရောက်လာရော၊ ကောင်လေးက ပြေးပြီး သူ့အဖေကို သတင်း သွားပို့တယ်….

အဖေရေ… သားတော့ စိတ်ကို ထိန်းနိုင်သွားပြီဗျ။
အဲ့ဒီလိုကျတော့ သူအဖေက တစ်မျိုးခိုင်းပြန်ရော…၊ မင်းကိုယ်မင်း ဒေါသမဖြစ်အောင်တစ်နေကုန် ထိန်းနိုင်ပြီဆိုတာနဲ့ အဲ့ဒီသံတွေကို ပြန်နုတ်ဦးကွာ။ တစ်နေ့ ထိန်းနိုင်ရင် ညအိပ်ခါနီး တစ်ချောင်းနှုန်းနဲ့ နှုတ်နော်လို့ မှာလိုက်သတဲ့။

ရက်တွေကြာလာတော့ ကောင်လေး က သူ့အဖေကိုပြောနိုင်သွားတယ်။ အဖေရေ သားရိုက်ခဲ့တဲ့ သံတွေ အားလုံး ကိုနှုတ်ပြီး သွားပြီ၊ တစ်ချောင်းမှ မကျန်တော့ဘူး။
သည်အခါ အဖေလုပ်တဲ့သူက သားရဲ့လက်ကို ဆွဲပြီး သားရိုက်ခဲ့တဲ့ ၀င်းထရံဆီကို ခေါ်သွားတယ်၊ တော်တယ်ငါ့သားလို့လည်း ဆိုတယ်။

ဒါပေမယ့် သားသေချာကြည့်စမ်း။ ၀င်းထရံတိုင်မှာ အပေါက်တွေဖြစ်ကျန်ခဲ့တယ်နော်။ ဒီဝင်းထရံတိုင်တွေက အရင်တုန်းက လို ချောချောမွေ့မွေ့ မဟုတ်တော့ဘူးဆိုတာ သားမြင်တယ် မဟုတ်လား။
အေး သားက စိတ်တိုတိုနဲ့ ပါးစပ်က ပြောချလိုက်တဲ့ အခါ တစ်ဖက်သား ဆိုတဲ့ ၀င်းထရံတိုင်မှာ အခုလို အမာရွတ်တွေထင်ကျန်ရစ်ခဲ့တတ်တယ် သားရယ်။ အဲဒီလိုပဲ

လူတစ်ယောက်ကို သားက ဓါးနဲ့ထိုးလိုက်တယ်။ ပြီးရင် ဓါးပြန်နုတ်ပြီး ရှိခိုးတောင်ပန်တယ်ဆိုပါစို့။ သားဘယ်နှစ်ခါဘဲ ရှိခိုးတောင်းပန်ပါစေ။ ဒဏ်ရာနဲ့ အမာရွတ်တွေကတော့ မလွဲမသွေ ကျန်ခဲ့မှာပဲ ငါ့သားရယ်….တဲ့။

တကယ်တော့ မိတ်ဆွေသူငယ်ချင်းတွေဆိုတာ အဖိုးတန်တဲ့ ရတနာတွေပါပဲ။

သူတို့ဟာ ငါတို့တွေကို ပျော်ရွှင်ရယ်မောစေတယ်။ အားပေးကူညီတယ်။

ဒုက္ခ၊ သုခတွေကို လည်း မျှဝေခံစားကြတယ်။ ရင်ဖွင့်သမျှကို ဂရုစိုက်နားထောင်ပေးတယ်။

ဒါကြောင့် တစ်ခုခုဆို စိတ်လိုက်မာန်ပါ မလုပ်နဲ့။

သူတို့ကို သံနှုတ်ရာကျန်ခဲ့တဲ့ ၀င်းထရံတွေအဖြစ် မရောက်ပါစေနဲ့။

ကိုယ့်မိတ်ဆွေ သူငယ်ချင်းတွေကို ကိုယ်က ဘယ်လောက်ဂရုစိုက် ကြောင်း သူတို့ကို လည်း သူတို့ရဲ့ မိတ်ဆွေတွေအပေါ် ဂရုစိုက်လာ အောင် လုပ်ပေးသင့် ကြောင်းပြောကြားပေးပါ။

ဒါကြောင့် ကိုယ်တိုင်က သူငယ်ချင်း ကောင်း မိတ်ဆွေကောင်း အဖြစ် သတ်မှတ်ထားတဲ့သူတွေဆီကို ဒီပုံပြင်လေး ကို လက်ဆင့်ကမ်းပါ။

ယုတ်စွအဆုံး ဒီစာလေးကို ပို့လိုက်တဲ့ သူဆီ ဒီအတိုင်း ပြန်ပို့နိုင်ပါသေးတယ်။

ကိုယ်ပို့လိုက်တဲ့ စာကိုယ့်ဆီပြန်ရောက်လာရင် ကိုယ့်မှာ မိတ်ဆွေကောင်းတွေ ရှိနေတာကို အလိုလို ခံစားနိုင်မှာပါ။

(ဒီစာအုပ်နာမည်က နေပျော်တဲ့ဘ၀၊ ကြည်မြတဲ့ဘ၀င်၊ ရွှင်လန်းတဲ့စိတ် ဖြစ်ပါတယ်။

ဆရာအတ္တကျော်ပါ။)