Facebook Bawl pa in US $ 500 Million Huhna Piakhia

Leitung ah Internet tungtawn a kizopna a zai mahmah khat ahi Facebook aphuankhia Mr.Mark Zuckerberg ( Founder and CEO) in silicon mua tung, khuaneu (silicon valley) ah tengte' cidamna lam (health) le pilsinna lam (education) lam a dingin a ma Facebook i Share US $ 500 million man stock share te piakhia cih kiza hi. Facebook i share 18 million pen letsong in apiakna ah, a manphatna US $ 498.8 million bang pha ding ci hi. Tua banah December 18,2012 (Tuesday) ni stock market akikhakni (rate) tawh a kibangin piakkhiatna nei ci hi. Tua bangin apiakkhiat sumte pen silicon mual kawm (The valley of Silicon) ah nasem NGO khat tungah piakhia ci hi.

Tutung apiakkhiatna pen Mr. Mark Zuckerberg in, atam penpen piakkhiatna zonghi dingin kigen hi. Tua banah abeisa 2010 kum bei pawlin zong New Jersey State Newark a om private sangkhat ading Facebook stock share pan US $ 100 million man piakhia ngei khin hi. Tua a piakkhiat Facebook Share Company pen mipite tawh kisai Company dingin a minvawh madeuh ahih manin, tua bang a piakhia ahihna thu kiza hi.

Source By : Maukkha Education