Syria gamah Kidona Khauhpai Semsem

Syria gamah kumpi langpang singnuaimite phualsatna mun ahi Hama State, Halfaya khuapi a moh (bread) bawlna a kigual (queue) dimdem a angah mite Kumpi galvanlengte tungpan Automatic thau te tawh akapna hangin mi 90 val si cih thu kumpi langpang lamte in gen uh hi.

Tua bangin vanlam pan nasiatak a kapna hangin asi aliam lamte in video tawh record na bawl kha uh a, internet ah suahsak uh hi. Misi luangte a them a nengin omin, lipkhap huai le etngam huai hetlo ci hi. Tua banah Innte zong bomb khakna tawh kisiacip/ kizancip bek tham loin, Inn kisiate nuai ah a si tampi mah kimukhia a, a si aliam bangzah lian cih kitheizo nailo lai ci hi.

Mi pawlkhatte aliamna meimate tawh laulua kawmsa in, huhna ngen in tai kawikawi uh ci hi. Pawl khatte leuleu aliam lote in aliam mite a liangko tungah pua in zato lam ah taipih kaikai uh a, a lungkham luatna hangin a hailawh dekdek zong om ci hi. Syria gamah a piang hih buaina tawh kisai a encik/  leptuah dingin International Peace Representative khat ahi Mr. Lakhda Brahimi pen Syria gam Damascus khuapi ah thukan dingin pai hi. 

Source by : Internet News